Hianzischi Kindersprücherl
Hans Neubauer


Der anerkannte Volksbildner Hans Neubauer ist 75 Jahre alt geworden. Nachstehend Beiträge vom Hianzischen Kindersprücherl, die er für den Hianznkalender 1998 gesammelt und bearbeitet hat.
Hotta, Schimml, hotta Braun!
Morgn wern mar Hobern-baun.
Morgn wern mar Gerschtn füahrn,
wird der Schimml ah wos kriagn.
Waonn der Schimml niammer wüll,
zoag mar iahm in Goaßlstül!
  (Dörfl)

Wia der Ocker, sou die Ruibm,
wia der Voter, sou die Buibm!
Wia die Muitter, sou die Töchter,
ouft ah nouh a bißl schlechter!
  (Ödenburg)

1. Klasser - Toflkrotzer,
2. Klasser - Tintnpotzer,
3. Klasser - jungi Herrn,
4. Klasser - olti Scherbm,
5. Klasser - Rotzn,
6. Klasser - Spotzn,
7. Klasser - Luftballon,
8. Klasser - fluign davon !
  (Hagensdorf u. a.)

Rauchfaongkihrer, Suppnstierer,
Bouhnlbeißer, Housnz’reißer!
  (Pinkafeld)

Mei Muitter, mei Voter,
sein kreuzguiti Leut;
säi flicka mei Housn
mit Erdäpflhäut.
  (Rohrbrunn) 		Heut nocht hout’s ma tramt,
die Kotz hout si bamt;
der Bam hout si bougn -
und ih bin obigflougn!
  (Punitz)  

Blaue Luft, Blunzduft,
Leberwurscht, mit Kre(i)n;
runde Nudln, Äpfelstrudln,
und a Häfn Bre(i)n.
Heißa, wia die Knödl hupfn
in der hoaßn Rein!
Muitter, louß üns ah wos über,
ghört nit ollas dein!
  (Poppendorf)  

Ih woaß a Gschicht:
As Häfn bricht!
Die Olti mocht an Lärm,
zwegn däi poar Scherbm.
  (Rohr)  

Sepperl, Peperl, Hüahnasteign,
waonn wirst deini Hüahna treibm?
  (Luising)  

Michl, nimm d’ Sichl
und geh um a Gros!
Geh nit z’weit ausi,
sist beißt dih der Hos!
  (Oberschützen u. a.)

BG-HomeSeitenanfang
Burgenlaendische Gemeinschaft 9/10 2001 Nr.373 Zeitungsarchiv, Serien